तातो तेलमा परेर वालक गम्भीर घाइते

स्याङजा, साउन ११ –  स्याङ्जाको वालिङ ३ मा रोटी बनाउने क्रममा तातो तेलको कराईमा परेर एक वालक गम्भीर घाइते भएका छन् । छिमेकीको नवनिर्मित घरको वास्तुपुजाको लागि रोटी बनाउने क्रममा स्थानीय २० महिनाका वालक मनिष रेश्मी गम्भीर घाइते भएका हुन् ।

बालकको बाँया हात र खुट्टामा तातो तेलले नराम्ररी पोलेको छ । घाईते बालकको प्राथमिक स्वास्थ्य केन्द्र वालिङमा उपाचार हुन नसकेपछि पोखरा लगिएको छ । वालकको मनिपाल शिक्षण अस्पताल पोखरामा उपचार भैरहेको बालकका बुवा टिकाराम रेश्मी मगरले जानकारी दिनुभयो ।