छैटौँ राष्ट्रिय खेलकुद प्रतियोगिता आज सकिँदै

२१ फागुन, कञ्चनपुर । सुदूरपश्चिममा जारी छैटौँ राष्ट्रिय खेलकुद प्रतियोगिताको आज समापन हुँदैछ ।

प्रतियोगिताको कञ्चनपुरको भीमदत्तनगरस्थित खुलामञ्चमा अपराहृन प्रधानमन्त्री डा. बाबुराम भट्टराईले औपचारिक रुपमा समापन गर्ने कार्यक्रम छ । प्रतियोगिताको समापनअघि आज विभिन्न १७ स्वर्णको छिनोफानो हुने राष्ट्रिय खेलकुद परिष्दले जनाएको छ । परिषद्का अनुसार धनगढीमा जिमन्यास्टिकका ७, भीमदत्तनगरमा उसुका ७ तथा महिला फुटबलमा १ स्वर्णका लागि खेल हुनेछन् ।

फुटबवलमा पीएलए स्पोर्टस् क्लब र एपीएप टोलीबीच भीडन्त हुनेछ । यस्तै काठकाडौामा विलियार्ड खेल हुँदैछ । राष्ट्रपति डा. रामवरण यादवले गत आइतबार कैलालीको धनगढी रंगशालामा भव्य समारहोबीच उद्घाटन गर्नुभएको प्रतियोगितामा कुल १ सय १८ पदकका साथ मध्यमाञ्चल शीर्ष स्थानमा छ ।