पहिरोले पाँच घर बगायो

२९ असार, म्याग्दी । अविरल बर्षापछि बिहीबार राती गएको पहिरोले म्याग्दीको डोबा गाविसका पाँच घर बगाएको छ । पहिरोले डोबा-५ का श्रीबहादुर गरबुजाको घर पुरेको छ । त्यस्तै बगरमा दुई घर, चुनारीमा एक घर र भुरुको कटुञ्जेमा एक घर बगाएको छ ।

सोही पहिरोले कृष्ण प्राथमिक विद्यालयमा क्षति पुर्‍याएको र हिरकाटमा रोकी राखिएको घ १ क ५० नम्बरको ट्रक बगाएको बताईएको छ ।

घटनास्थलको उद्धारका लागि प्रहरीको टोली घटनास्थल तर्फ गएको जिल्ला प्रहरी कार्यालय म्याग्दीले जनाएको छ ।