गोली सहित २ जना पक्राउ

विरगञ्ज, साउन ८ –

 प्रहरीले पर्सामा १ सय १९ वटा गोली सहित दुईजनालाई पक्राउ गरेको छ । आइतबारराती पर्साको सिर्सिया खल्वाटोला गाविस वडा नम्बर ४ मा रहेको जयमंगल कुर्मीको निवासमा छापामारी कुर्मीका छोरा विनोद पटेल र भारतीय नागरिक रामाकान्त यादवलाई पक्रेको हो ।
अपराधीहरुको एउटा समूह सिर्सिया खल्वा टोलाको एक घरमा भेला भएको सुचनाको आधारमा प्रहरीले राती एकबजे छापामारी गरेर गोली बरामद गरेको हो । बरामद गरिएका गोलीहरु बाह्रबोरको बन्दुकमा प्रयोग हुने प्रहरी उपरिक्षक पिताम्बर अधिकारीले बताउनुभयो । छापामार्दा प्रहरीले २ लाख ८० हजार रुपैयाँ नगद समेत बरामद गरेको छ ।