बोमलाल गिरी/
काठमाडौं, साउन – प्रहरीले काठमाडौं उपत्यकामा अपराधका घटनामा कमी आएको दावी गरेको छ । महानगरीय प्रहरी आयुक्तको कार्यालयले पत्रकार सम्मेलन गरी आर्थिक वर्ष ०६७/ ०६८ भन्दा आर्थिक वर्ष ०६८/ ०६९ मा अपराधका घटनामा दुई प्रतिशतले कमी आएको आयुक्तको कार्यालयका प्रवक्ता एसएसपी पूर्णसिंह खड्काले जानकारी दिनुभयो ।
प्रहरीले काठमाडौं उपत्यकाको सुरक्षा व्यवस्था सन्तोष जनक रहेको दावी पनि गरेको छ । राजनीतिक अस्थिरता, बेरोजगारी र जनघनत्वका कारण अपराध बढेको प्रहरीले जनाएको छ । काठमाडौं जिल्लामा ७.२७ प्रतिशतले अपराधका घटनामा कमी आएपनि ललितपुरमा १९.४९ र भक्तपुरमा ३५.६२ प्रतिशतले अपराधका घट्ना बढेको पाइएको छ ।
काठमाडौं उपत्यकामा आत्महत्याका घटनामा ५.२६ प्रतिशतले वृद्धि भएको देखिएको छ । अघिल्लो आर्थिक वर्षमा १ हजार १ सय ३६ जनाले आत्महत्या गरेकोमा ७ सय ७५ जना काठमाडौंका छन् । समग्रमा अपराधका घटना घटेको देखिएपनि जबर्जस्ती करणी १९.४ र बहुविवाह १२.९ प्रतिशतले बढेको छ । तर कीर्ते नागरिकता ७७.७७, हातहतियार तथा खरखजाना २२.४ प्रतिशतले कमी आएको छ ।
काठमाडौं उपत्यकामा अघिल्लो आर्थिक वर्षमा १० पटक नेपालबन्द, ७ पटक उपत्यका बन्द भएको र विभिन्न घट्नाका लागि ४९ हजार २ सय ७५ जना प्रहरी परिचालन गरिएको प्रहरी आयुक्तको कार्यालयले जनाएको छ ।
प्रहरीका अनुसार एक वर्षमा काठमाडौं उपत्यकामा ६ लाख ७५ हजार १ सय २९ वटा ट्राफिक उल्लंघन भएकोमा ३८ हजार २ सय ७० वटा मादक पदार्थ सेवनका घटना छन् । जसबाट तीन करोड ३२ लाख ३३ हजार राजश्व उठेको छ ।
सिट बेल्ट नबाध्ने २६ हजार ४ सय ५६ जनालाई कारवाही गरी ५२ लाख ९१ हजार २ सय रुपैयाँ संकलन भएको छ । गएको आर्थिक वर्षमा ५ हजार दुर्घटना भएको र त्यसमा ३ सय ३९ जनाले ज्यान गुमाउनुका साथै ३ हजार २ सय ३६ घाईते भएको प्रहरीले जनाएको छ । उपत्यकामा प्रहरीले ५१ किलो मीटर बाटो विस्तार गरेको पनि प्रहरी आयुक्तको कार्यालयले जनाएको छ ।
काठमाडौं, साउन – प्रहरीले काठमाडौं उपत्यकामा अपराधका घटनामा कमी आएको दावी गरेको छ । महानगरीय प्रहरी आयुक्तको कार्यालयले पत्रकार सम्मेलन गरी आर्थिक वर्ष ०६७/ ०६८ भन्दा आर्थिक वर्ष ०६८/ ०६९ मा अपराधका घटनामा दुई प्रतिशतले कमी आएको आयुक्तको कार्यालयका प्रवक्ता एसएसपी पूर्णसिंह खड्काले जानकारी दिनुभयो ।
प्रहरीले काठमाडौं उपत्यकाको सुरक्षा व्यवस्था सन्तोष जनक रहेको दावी पनि गरेको छ । राजनीतिक अस्थिरता, बेरोजगारी र जनघनत्वका कारण अपराध बढेको प्रहरीले जनाएको छ । काठमाडौं जिल्लामा ७.२७ प्रतिशतले अपराधका घटनामा कमी आएपनि ललितपुरमा १९.४९ र भक्तपुरमा ३५.६२ प्रतिशतले अपराधका घट्ना बढेको पाइएको छ ।
काठमाडौं उपत्यकामा आत्महत्याका घटनामा ५.२६ प्रतिशतले वृद्धि भएको देखिएको छ । अघिल्लो आर्थिक वर्षमा १ हजार १ सय ३६ जनाले आत्महत्या गरेकोमा ७ सय ७५ जना काठमाडौंका छन् । समग्रमा अपराधका घटना घटेको देखिएपनि जबर्जस्ती करणी १९.४ र बहुविवाह १२.९ प्रतिशतले बढेको छ । तर कीर्ते नागरिकता ७७.७७, हातहतियार तथा खरखजाना २२.४ प्रतिशतले कमी आएको छ ।
काठमाडौं उपत्यकामा अघिल्लो आर्थिक वर्षमा १० पटक नेपालबन्द, ७ पटक उपत्यका बन्द भएको र विभिन्न घट्नाका लागि ४९ हजार २ सय ७५ जना प्रहरी परिचालन गरिएको प्रहरी आयुक्तको कार्यालयले जनाएको छ ।
प्रहरीका अनुसार एक वर्षमा काठमाडौं उपत्यकामा ६ लाख ७५ हजार १ सय २९ वटा ट्राफिक उल्लंघन भएकोमा ३८ हजार २ सय ७० वटा मादक पदार्थ सेवनका घटना छन् । जसबाट तीन करोड ३२ लाख ३३ हजार राजश्व उठेको छ ।
सिट बेल्ट नबाध्ने २६ हजार ४ सय ५६ जनालाई कारवाही गरी ५२ लाख ९१ हजार २ सय रुपैयाँ संकलन भएको छ । गएको आर्थिक वर्षमा ५ हजार दुर्घटना भएको र त्यसमा ३ सय ३९ जनाले ज्यान गुमाउनुका साथै ३ हजार २ सय ३६ घाईते भएको प्रहरीले जनाएको छ । उपत्यकामा प्रहरीले ५१ किलो मीटर बाटो विस्तार गरेको पनि प्रहरी आयुक्तको कार्यालयले जनाएको छ ।
0 comments:
Post a Comment