लुटेराद्वारा आमाछोरीको बिभत्स हत्या

हरि हुमागाँई/उज्यालो । मकवानपुर, असार २९ – लुटेराहरुको समूहले मकवानपुरमा एकै परिवारका दुई जनाको हत्या गरेको छ । बिहीबार राती भैंसे ३ कालिकाटारका ज्ञानबहादुर थापाको घरमा पुगेको लुटेराको समूहले ज्ञानबहादुरकी श्रीमति र छोरीको हत्या गरेको प्रहरीले जनाएको छ ।

ज्ञानबहादुर नजिकै रहेको घरमा गएको मौका पारेर लुटेराले आमा छोरीको विभत्स तरिकाले हत्या गरेका हुन् । सामान्य पसल सञ्चालन गरेर जीविको पार्जन गरेको थापा परिवारका दुई जनाको हत्या भएपछि स्थानीय त्रसित बनेका छन् ।

अहिले घटनास्थलमा प्रहरीको टोली पुगेको र अनुसन्धान शुरु भएको जिल्ला प्रहरी कार्यालय मकवानपुरले जनाएको छ ।