दुर्गाप्रसाद शर्मा । पर्वत, साउन
पर्वतको मालढुंगादेखि म्याग्दीको सदरमुकाम बेनीबजार जोड्ने मालढुंगा–बेनी सडकमा सार्वजनिक सवारी साधनमा भाडादर आधा घटेको छ । पर्वत, बागलुङ र म्याग्दीका सुरक्षा निकायका प्रमुख तथा यातयात व्यावसायीको बुधबार बसेको संयुक्त बैठकले भाडादर समायोजन गरेको हो ।
मालढुंगा–बेनी सडकमा ४० रुपैयाँ भाडादर कायम गरिएको छ । नयाँ भाडादर शुक्रबारदेखि लागु हुने छ । मालढुंगा देखि बेनीसम्म १५ किलोमिटर सडकमा यातयात व्यावसायीले ८० देखि १ सय २० रुपैयाँसम्म भाडा लिँदै आएका थिए ।
बाटो कच्ची हुँदा दुई बर्ष पहिले लागु गरिएको भाडादर सडक पुरै पक्की बनीसक्दा समेत नघटाईएपछि यात्रुले बिरोध जनाउँदै आएका थिए । भाडादर समायोजनका लागि यात्रुबाट दवाव बढेपछि नयाँ भाडादर कायम गरिएको प्रमुख जिल्ला अधिकारी टेकबहादुर केसीले बताउनुभयो ।
‘जम्मा १३ किलोमिटरमा मनपरी रुपमा चर्को भाडा लिएको गुनासो आएपछि नयाँ भाडादर कायम गरिएको हो’, उहाँले भन्नुभयो ।
0 comments:
Post a Comment