बिरामी लिन आएको हेलिकोप्टर खोटाङमै रोकियो

दमन राई/ 

 खोटाङ, साउन–

 बिरामी लिन खोटाङ आएको हेलिकोप्टर खराब मौसमका कारण दिक्तेलमै रोकिएको छ । उच्चरक्तचापबाट बिरामी परेका दिक्तेल २ का व्यवसायी डिजेन्द्र जोशीलाई लिन आएको हेलिकप्टर खराब मौसमका कारण सदरमुकाम दिक्तेलमा रोकिएको हो ।

वर्षातसँगै बाक्लो कुहिरो लागेपछि बिहान ८ बजे बिरामी लिन आएको डाईनास्टी हेलिकोप्टर बुधबार दिक्तेलस्थित हेलीप्याडमा बास परेको जिल्ला प्रहरी कार्यालय खोटाङका प्रहरी नायब उपरीक्षक बशन्तकुमार थापाले बताउनु भयो । अस्पताल दिक्तेलले रेफर गरेको बिरामी जोशीलाई हेलिकोप्टर उडान हुन नसकेपछि पुःन फर्काएर अस्पतालमै राखिएको छ ।

जिल्लामा भरपर्दो यातायात सेवा सञ्चालन नहुँदा अस्पतालले रेफर गरेका बिरामीहरुलाई अन्यत्र लैजानाका लागि हेलिकोप्टरको प्रयोग गरिँदै आईएको छ ।