प्यूठान, साउन ९ – पार्टी फुटेपछि कार्यालय र सम्पत्तिको विषयमा बिभिन्न जिल्लामा दुई माओवादीवीच झडपका घटना भएपनि प्युठानमा भने दुबै पार्टीले पार्टी कार्यालय आफ्नो नभएको दावी गरेका छन् । २ वर्षदेखि भाडा तिर्न बाँकी भएपछि एकीकृत नेकपा माओवादी र मोहन बैद्य अध्यक्ष रहेको नेकपा–माओवादीले कार्यालय आफ्नो नभएको बताएका हुन् । एकीकृत नेकपा माओवादीले फुटेर गएकाहरुको पहलमा कार्यालय खोलिएको र साँचो पनि उनीहरुसंगै रहेको बताएको छ भने नेकपा–माओवादीले पार्टी नफुट्दै कार्यालय स्थापना गरिएकाले त्यसको जिम्मा संस्थापनकै हुनुपर्ने र भाडा पनि उसैले तिर्नुपर्ने अडान लिएका छन् ।
दुबै पार्टीले कार्यालय आफ्नो नभएको भन्दै खोल्नै छोडेपछि भाडामा कार्यालय दिएका घरधनी सञ्जयकुमार श्रेष्ठ अन्योलमा परेका छन्
। नेताहरुलाई बारम्बार भाडा माग्दा पनि नपाएको श्रेष्ठले गुनासो गर्नुभएको छ ।
एकीकृत नेकपा माओवादीका कृष्ण घिमिरेका अनुसार संविधान सभामा दुबै निर्वाचन क्षेत्रका तत्कालीन सभासदहरुको संसद विकास कोषको प्रशासनिक खर्चबाट भाडा तिर्ने गरी कार्यालय संचालन गरिएको थियो ।ती दुबै पूर्व सभासद् वैद्य नेतृत्वको नेकपा–माओवादीमा छन् । पार्टी नफु्ट्दै एकीकृत नेकपा माओवादीले मासिक ४ हजार दिने गरी कार्यालय स्थापना गरेको थियो । पार्टी फुटेपछि वैद्य नेतृत्वको नेकपा–माओवादीले विजुवारमा आफ्नो पार्टी कार्यालय छुट्टै खोलेको छ ।
0 comments:
Post a Comment