बाढी र पहिरोमा हराईरहेकाहरुको खोजी तीव्र

असार ३१ – 

जापानमा बाढी र पहिरोमा परि हराईरहेकाहरुको खोजी तीव्र पारिएको छ । दक्षिणी क्युशु टापुमा हराईरहेकाहरुको खोजीका लागि ठूलो संख्यामा प्रहरी र सेना खटिएका छन् । भारी वर्षापछि आएको बाढी र पहिरोका कारण क्युशु द्विपका हजारौं बासिन्दा प्रभावित भएका छन् ।

२२ जनाको ज्यान गईसकेको छ । बाढी पहिरोले थप क्षति पुर्‍याउने सम्भावना बढेपछि कुमामोतो, ओईटा, फुकुओका र सागा क्षेत्रका ४ लाख भन्दा बढी नागरिकलाई सुरक्षित ठाउँमा जान भनिएको बिबिसीले जनाएको छ ।

फुकुओका क्षेत्रमा मात्रै १ सय ८१ ठाउँमा पहिरो गएको र ८ सय २० घर भत्किएका छन् । जापानको मौसम विभागले अझैपनि भारी वर्षा हुन सक्ने र बाढी पहिरोको जोखिम हुनसक्ने चेतावनी दिएको छ ।  - एजेन्सीको सहयोगमा