महिला बेपत्ता हुने क्रम बढ्दो

 नेपालगन्ज, साउन 
मानव बेचबिखन विरुद्ध कार्यरत माइती नेपाल नेपालगन्जमा वेपत्ता महिलाको खोजतलासका लागि पर्ने निवेदनहरु बर्षेनी बढ्दै गएका छन् । आर्थिक बर्ष २०६७÷६८ मा खोजतालसका लागि २ सय ९५ निवेदन परेका थिए भने आर्थिक बर्ष २०६८÷६९ मा बढेर ३ सय ३२ पुगेका छन् । माइती नेपाल नेपालगन्जका संयोजक केशव कोइरालाले खाडीमुलुक तथा भारतमा बेपत्ता भएको भन्दै खोजीका लागि बढी निवेदन परेको जानकारी दिनुभयो । 

माइती नेपालले गत आर्थिक वर्षमा हराएको निवेदन परेका मध्ये ३१ जना फेला परेको जनाएको छ । वैदेशिक रोजगारीका लागि खाडी मुलुक जाने धेरै नेपाली महिलाहरु बेपत्ता हुने गरेका छन् । कामका लागि मध्यपश्चिमबाट खाडी मुलुक गएका महिलाहरु बेपत्ता हुनेक्रम बढ्को माइती नेपाल नेपालगन्जले जनाएको छ । माइती नेपालले गत आर्थिक वर्षमा २ सय ४५ जना जोखिमपूर्ण यात्रामा रहेकाहरुलाई उद्धार गरि आवधिक गृहमा प्रवेश गराइएको जनाएको छ । यसैगरी २ सय ५५ जनालाई सुरक्षित बसाइ सराइबारे जानकारी दिई पारिवारिक पुनर्मिलन गराइएको माइती नेपालले जनाएको छ । श्रम तथा यौन शोषणमा परेका १४ जनाको उद्धार गरिएको छ । यसैगरि ५७ जनालाई परामर्श दिई सीमाबाट घर फर्काइएको छ