आमा छोरीको हत्यामा संलग्न १ पक्राउ

वीरगञ्ज, साउन 

 - मकवानपुरको भैँसे गाविस–२ स्थित कालिकाटारका आमाछोरीको हत्यामा संलग्न एक जना आरोपी पर्साको बिजयबस्तीमा वुधवार पक्राउ परेका छन । मकवानपुर जिल्लाको हाडीखोला ४ निवासी पासाङ लामालाई बिजयबस्ती प्रहरी चौकीका असई ताहिर हुसेनको टोलीले पक्राउ गरेको हो ।

निर्मलवस्ती गाविसको गम्बालाईनमा आफन्तको घरमा लुकीछिपी बसेको सूचनाका आधारमा उनलाई पक्राउ गरिएको असई हुसेनले बताउनुभयो ।  गत असार २८ गते मकवानपुरको भैसे २ कालिकाटारमा घरमा सुतिरहेको अवस्थामा ५७ वर्षीया चन्द्रमाया थापा र उनकी ३७ वर्षीया छोरी लक्ष्मी थापाको हात खुट्टा बाँधेर विभत्स हत्या भएको थियो ।

हत्या गर्ने समुहले ३ लाख नगद गरगहना र लत्ताकपडा समेत लुटेर भागेका थिए । हत्यमा संलग्न रहेको आरोपमा मकवानपुर प्रहरीले ६ जनालाई यसअघि नै पक्राउ गरेपनि लामा भने फरार थिए |
यो पनि पढ्नुहोस :आमा छोरीको हत्यामा संलग्न ६ जना पक्राउ